المنتدى تاريخ داخل الحياة
مجتمع داخل التاريخ
عيلة داخل المجتمع
أسرة
داخل العيلة
أصحاب في العمل أو المدرسة
مقهى في الشارع أو الحي
حدوتة من
حواديتك اليومية
.
.
المنتدى ....
ممكن يكون كل شيء
وممكن يكون شيء واحد
وممكن يكون جزء من شيء
وممكن يكون لا شيء
.
.
طيب إيه اللي رابطك بالمنتدى
؟
يعني تعود شديد وصل لدرجة الإدمان
مثلاً ؟
ما الإدمان له علاج ...
ولا عشان تستفيد وتفيد غيرك
؟ ما إنت ممكن تفيد وتستفيد بطرق اخرى
يمكن
عشان تكتسب مهارات فكرية وسلوكية ...
وتلاقي جسر معلومات وتبادل خبرات .... الخ
؟ نفس الشيء
تقدر تكتسب كل شيء
بعيداً عن المنتدى
مصادر المعلومات لا تعد ولا تحصى
وخصوصاً إن المنتديات
باتت خاوية على عروشها
طيب يمكن عشان الناس اللي فيه وعلاقتك بيهم ؟ وإيه يعني مش سبب قوي
يعني المنتدى هو
الوسيلة الوحيدة
للتواصل بيني وبينهم ؟؟؟
أبداً ...
ما أنا ممكن أترك
المنتدى
وأفضل متواصل معاهم
.
.
طيب ليه مبنفكرش نسيب المنتدى
؟ ولو فكرنا نلاقي نفسنا مترددين !!
ومش
عارفين ناخد قرار
مع إنه قرار سهل وبسيط !!!
وتلاقي نفسك ...
قرفان
من ده ومن دي
ومتخانق مع دي ومع ده
وبتكره ده وبتحقد على دي
ومع ذلك
متشبس بالتواجد !!
لكن الظاهر المنتدى فعلا زي الحياة
متعلقين فيها رغم مساوئها وصعوبتها
.
.
طيب ... طالما قولنا
إنه زي الحياة
يبقى لازم نحسن العمل
فيها
مثلا ... الموضوعات اللي بتقدمها ؟
بتعجبك ؟
وعاوز تقول فيها ايه ؟
وايه الهدف منها لو كنت بتنقلها من هنا لهنا ..
وغيرك بينقلها من هنا
لهناك ... ؟
طيب ليه مبتفكرش تقدم موضوع من صنع ايديك ؟
ويا ترى
المواضيع اللي بتقدمها بتعرف تقيِّمها ؟
طيب بتعطي لنفسك كام من
عشرة
لما تعمل مقارنة مع مواضيع الآخرين ؟
متزعلش من كلامي ....
ما
احنا قولنا انه زي الحياة
يعني لازم تخرج منه باستفادة أو إفادة
وإلا
حتلاقي نفسك
صفر والمواضيع اللي بتقدمها
زي أعمالك
وسلوكياتك
اللي حتكون معيار تقييمك
وستثاب أو تعاقب عليها
طيب ليه بتقدم مجهود على الفاضي !!!
وفي النهاية كل شيء كأنه هباء منثوراً
.
.
حأرجع تاني واعيد
سؤالي الإجباري :
ايه اللي رابطك بالمنتدى ؟ 
اتمنى الرد على السؤال
تحياتى
اميرة الاحزان
موضوع: ..::: ســـؤال إجبــاري :::.. 
الخميس سبتمبر 15, 2011 4:09 pm